Ngifuna ngibhale ngempilo yethu thina esakhulela eKhaya, kithi kuse Zhombe Mission ko Chief Gwesela, abazali bami babengamatitsha eZhombe Mission Primary School. Ngazalelwa (1977), ngakhulela eZhombe ngasuka ekhaya okwesikhathi ngisiya e Loreto - Silobela (Form 1-4: 91-94), ngasengisiya eThekwani - Plumtree, (form 5-6: 95-96), ngasengisiya e UZ - Harare (BSc Hon. RUP 97-01) ngemva kokwenda ngasuka eZhombe for good ngeza ngapha eLilongwe - Malawi laphengihlala khona. Impilo engiyaziyo mina ngeyeZhombe lapho engahlala khona okwesikhathi eside ukudlula kulozonke indawo.
Bengifuna ngiqalise ukube ngibhala ngempilo yami eyeZhombe. Lamuhla bengifuna ngibhale ngendaba zokulima, ngithemba ngizathola elinye ithuba lokuthi ngibhale ngezinye izigaba zempilo yethu thina esakhulela ekhaya. Ngizaba lentokozo enkulu nxa linga commenta ngendaba le, lifake amacomment enu, ukuthi sibone ukuthi indaba lesiyikhangela ngelihlo elifanayo. Okunye nje ngifuna ngingakhohlwa ukubhala lokukhuluma isindebele, phela ngaphaangilaye umuntu engikhuluma laye esakithi.
Mina indaba eyayingizwisa ubuhlungu ngeyokuya emasimini especially nxa sisiya lima. Ubaba wayesivusa phakathi kobusuku sisiya lima. Minangangihlutshwa kakhulu yindaba yokuvuka. Sasiqalisa umsebenzi ngama 4, ngama 10 itiye ibuye sinathe sibuyele emsebenzini. Kwezinye iziikhathi sasisebenza iisitshwala sisithole khonangale emasimini sibesesitshayisa ngama4, kwezinye insuku sasitshayisa siyekudla ekhaya siphenduke ngama 4. Ngoba sasihlala lezihlobo ezinengi amankazana sasibanengi, yikho sasintshintshana abanye baye emasimini oyedwa esale ekhaya ethanyela epheka. Mina ukusebenza kwakungangihluphi nje. Kwakuthi nxa kulu suku lwami ukudla kwakungaphuzi nje ukuya emasimini. Kodwa ngangithi nxa ngisemasimini ngangingakuzondi nje ukubamba ikhuba ngoba ngangitshiya indima phakathi engahwabhi nje ubaba, ngangithanda ukuhlanyela lokuthela ifertilizer.
Kwakusithi nxa sokuyisikhathi sokuvuna, umsebemzi wawumunengi kodwa wawungafanani lowasekulimeni sasingavuki phakathi kobusuku, lalisithi nxa livuna ngapha lisidla imfe lamakhabe lobanje itiye yayiphuza indlala yayingababi kakhulu njenge skhathi sokulima. Ukudla okwakubuya kuvela ekhaya ngalesisikhathi kwakukunengi. Thina kithi eZhombe impilo yayinjalo ngithemba lokhe injalo. Ngesikhathi sebusika sasingawuthandi nje umkhemeswane amabizo angkhona sengiwakhohliwe nje. Thina abazali bonke babengamatitsha lapha eZhombe Mission kodwa bakhetha ukwakha emzini kababa, abantu ababengomakhelwana bethu babengasebenzi babe phila ngokulima. Kwakungamangalisi ukuthi thina esasileyinye indlela yokuthola ngayo imali sasisebenza gadalala emasimini kodwa abanye bonke ababengabalimi kuphela babefika emasimini sesiqalise indima yesithathu kumbe eyesine. Ngesikhathi sokuvuna babesehluleka lokugcwalisa inqola eyodwa nje.
Thina esaba lenhlanhla yokuya eBoarding impilo yayinganzima nje nxa selivala ngoba abanye basebesiya phumula ezindlini zabo thina sasithola abantu besimelele emakhaya ukuthi sengezelele izandla, sasibuyela esikolo iziganga sezingaka bakithi siqalise ukuguxuza. Ngikhumbula omunye unkazana eLoreto kasihlekanga nje mina lomngane wami ngelanga lokuvula siziguxuzela esinkini. Kodwa unkulunkulu ngowa bantu bonke akulamntwana owakhetha abazali bakhe kodwa umunthu uyazikhethela impilo azakuba layo. Ngemali yemasimini laleyo ababeyithola emsebenzini abazali, sonke endlini yethu safunda silama Certificate atshiyetshiyeneyo, ngithemba ukusebenza gadalala kwemasimini sakusa esikolo.
Subscribe to:
Post Comments (Atom)
Kunjani khonangapho e malawi. Mina ekhaya kuse matojeni. Ngakhulela khona labogogo, labo malume. Umama yena wayehlala koBulawayo. Ngafunda e Matopo primary, ngasengisuka ngaya funda kobulawayo eMalindela primary school..kwakusePumula lapho. Ngiqeda lapho ngaqalisa isecondary a Pumula high school, lapho engayenza khona iform 1-4. Okwamaje bengizama ukwenza in Masters ngapha emelika, kodwa ngibona angani ngizabuyela ekhaya, ngoba imali zakhona kaziseneli.
ReplyDeleteKungasenani, bengithi ngike ngizi "introduse". Ngitshele phela ma ulokh' ubhala lapha kublog yakho.
Ngixolise bakithi Moreblessing, phela kade ngacina ukuza lapha emdulwini kaBlogging. Ulokhe ukwelase Melika yini. Ngapha eMalawi kukahle. Ngo December ngangise khaya eZhombe ngabatshiya bephilile ekhaya. Sokule network kithi eZhombe sokungcono sengikwanisa ukufona.
ReplyDelete